Համագործակցություն "Ծիրանի" հկ-ի հետ հուշարձանների պահպանության համար
Գործող համաձայնության համապատասխան, որը ձեռք է բերվել "ՀայաՀայկական Էլ. Գրադարան" կայքի եւ "Ծիրանի" հկ-ի միջեւ, մեր կայքում այսուհետ կգործի նոր գրքերի բաժին` ՀԱՅԿԱԿԱՆ ՄՇԱԿՈՒՅԹ անվամբ : Բաժինը գործելու է անկախ ծրագրի շարունակականությունից, քանզի նրա պահանջը, պայմանավորում է ոչ միայն մշակութային արժեքների պաշտպանության համար նախատեսված կայքը` sos.tsirani.am, այլեւ այն, որ մեր կայքում հավաքվել էր հայերեն բազմաթիվ հետաքրքիր գրքեր այդ թեմայով, եւ որոնք արդեն իսկ կարելի է դիտարկել, որպես առանձին բաժին: ------------------- Այդուհանդերձ բաժնի ստեղծման պատճառը "Ծիրանի" հկ-ի արժեքավոր նախաձեռնությունն է` ստեղծել կայք, որում մեզ` բոլորիս կողմից կայքին տարմադրված տեղեկության միջոցով, հայտնի կդառնան վնասված, վտանգված ու կիսավեր հուշարձանները: Նախաձեռնության արժեքը նաեւ հենց անհատապես բոլորիս մասնակցության հնարավորությունն է, որով մենք կարող ենք սեփական տեղեկությունները` նկարներ, տեսանյութ եւ այլն , տրամադրել կայքին sos@tsirani.am էլ-փոստով, հակիրճ նկարագրությամբ մշակութային հուշարձանի մասին: Մեզ բոլորիս հանրավորություն է ընձեռնվում ինքներս հետեւելու մեր պատմական հուշարձաններին ու ի լուր հայության հայտնել նրանց աննախանձելի վիճակի մասին: ------------------- Մեր կայքը իր հերթին պատրաստակամություն է հայտնել ակտիվերոն լրացնել բաժնում գրականության պակասը նորանոր գրքերով, որոնք բացառիկ նշանակություն ունեն պատմաճարտարապետական հուշարձանների ուսումնասիրության գործում: Այնպես որ սպասեք նոր ու բացառիկ գրքերի ... Որպես վերջաբան , հավելեմ , որ մեր կայքի կողմից արդեն մի վնասված պատմաճարտարապետական հուշարձանի մասին տեղեկություն է տրվել : Այդ մասին կարդացեք այստեղ: Այժմ արդեն քո հերթն է ընթերցող...
Copyright www.freebooks.do.am "ՀամաՀայկական Էլեկտրոնային Գրադարան"© 2008-2010 Արգելվում է առանց կայքի ադմինիստրացիայի թույլատվության կայքի նյութերի օգտագործումը այլ նպատակներով:
Այլ Բաժիններ
