Այլ Բաժիններ
Հայալեզու
գրականությունն ինտերնետում գնալով շատանում է։ Մեկը մյուսի հետևից
բացվում են գրական բլոգներ և կայքեր, որոնք առաջարկում են ինչպես
ժամանակակից, այնպես էլ դասական հայ գրականություն։ Այդ բազմազանության մեջ
Freebooks.am կայքն
առանձնահատուկ է ոչ միայն նրանով, որ շատ ավելի մեծ քանակությամբ
ինֆորմացիա է պարունակում, քան բոլոր հայալեզու գրական բլոգներն իրար
հետ վերցրած, այլ նաև նրանով, որ մեկ քայլ առաջ է գնացել, առաջարկելով
նաև հայ ընթերցողին ու, հատկապես, ուսանողին անհրաժեշտ օտարալեզու
գրականություն և այլ անհրաժեշտ նյութեր։ Կայքն, ընդհանուր հաշվով, 1600
գիրք է պարունակում, ոնոնցից 760-ը հայերեն են։ Գրքերի զգալի մասը՝ 350-400
օրինակ, թվայնացվել են հենց նախագծի հեղինակների կողմից։ Վերջիններս
պնդում են, որ շուտով Freebooks-ն
ավելի արագ տեմպերով առաջ կգնա, շատացնելով կայքի կողմից թվայնացված
գրքերի ցանկը ու էլ ավելի հասանելի լինելով ընթերցողին։ Իսկ հաշվի առնելով
այն, որ նման ադյունքներ Freebooks-ը
ցույց է տվել ընդամենը մեկ ու կես տարում, այն արդեն իսկ կարելի
է հաջողված նախագիծ համարել։@uci_img-ն էլ, հավանաբար, շուտով կսկսի համագործակցել նախագծի հետ՝ պարբերաբար ներկայացնելով իր ընթերցողին Freebooks-ի կողմից թվայնացված նոր գրքերի ցանկը, ինչն էլ ավելի հասանելի կդարձնի հայ գրականությունն ինտերնետ օգտվողներին։ Օրերս կփորձենք նաև անդրադառնալ թվային գրքերի ընթերցման եղանակներին՝ բոլոր նրանց համար, ովքեր դեռևս ծանոթ չեն դրանց։ Իսկ առայժմ կարող եք դիտել Freebooks կայքի մասին «Мир» հեռուստաընկերության պատրաստած տեսանյութը ու ծանոթանալ կայքի և դրա հեղինակների հետ…
