Հայ մեծ պոետ, հասարակական գործիչ եւ Գիտությունների Ազգային Ակադեմիայի ակադեմիկոս Սիլվա Կապուտիկյանը ծնվել է 1919թ հունվարի 20-ին Երեւանում: Ավարտել է պետական համալսարանի փիլիսոփայության ֆակուլտետը, ուսումը շարունակել Մոսկվայի Մ. Գորկու անվան գրականության ինստիտուտում: Նրա բանաստեղծությունների առաջին ժողովածուն լույս է տեսել 1944թ: Հայերեն եւ ռուսերեն լեզուներով ստեղծագործությունների ավելի քան 60 հավաքածու է հրատարակել Կապուտիկյանը: 1975-80թթ հանդիսացել ԽՍՀՄ Գերագույն խորհրդի պատգամավոր:Արժանացել է մի շարք գրական մրցանակների: Քեմբրիջի աշխարհագրական միջազգային ինստիտուտը 1998թ նրան “Տարվա կին” է հռչակել: 1989թ Հռոմում Կապուտիկյանը պարգեւատրվել է “Nosside”-ի միջազգային մրցանակով: Հայաստանի 2-րդ նախագահ Ռոբերտ Քոչարյանը բանաստեղծուհուն պարգեւատրել է ՀՀ ամենաբարձր կարգի` Սբ. Մեսրոպ Մաշտոց շքանշանով: Կապուտիկյանը մահացել է կաթվածից` 2006թ օգոստոսի 25-ին:
Copyright www.freebooks.do.am "ՀամաՀայկական Էլեկտրոնային Գրադարան"© 2008-2010 Արգելվում է առանց կայքի ադմինիստրացիայի թույլատվության կայքի նյութերի օգտագործումը այլ նպատակներով:
Այլ Բաժիններ
