Վերջերս մեր մասին մի շատ հետաքրքրական հոդված է պատրաստել "Ինտերնետի ՄԻացյալ Գույներ" նախագիծ կայքը, որը ամենօրյա իր թարմացումներով հետաքրքրական նորություններ է տալիս հայ ինտերնետ օգտագործողներին ընդհանրապես թվային աշխարհի շարժի մասին։ Ահա և հերթը հասավ նաև մեր նախագծին։ Այդ կայքի հետ համագործակցության հեռանկարները շատ մեծ են , և հավանաբար մոտակա շրջանում նաև այնտեղ ամենշաբաթյա թարմացումներով կներկայացվեն մեր կայքի վերջին թարմացումները ու լավագույն գրքերը։
Այսպիսով հետևեք այդ կայքի աշխատանքներին http://e-colors.info , իսկ մեր հոդվածը կարող եք կարդալ թե հենց այստեղ, թե հենց այդ կայքում։
Մեզ մոտ վերջին շրջանում տեղի են ունեցել մի քանի հիմքային փոփոխություններ, և հաշվի առնելով այն պարտականությունները, որ արդեն դրված են մեզ վրա՝ պայմանավորված մեր այցելուների ավելացման գործոնով, մենք հարկ ենք համարում արդեն միշտ ծանուցել բոլոր հիմնական փոփոխությունների մասին, որոնք կարող են օգնել ձեզ, ինչպես նաև կարևոր դեր կարող են կատարել ձեզ համար։ Այսպիսով, ծանոթացեք վերջին փոփոխություններին, և բարի ժամանց մեր կայքում։
Կարճ ասած՝ եթե կարծում եք, թե մենք ուրախ ենք, որ արդեն մեր կայքում կա գովազդ, Դուք միանգամայն սխալվում եք, քանզի մեր նպատակը երբեք չի եղել փող աշխատելը: Միակ իրական ցանկությունը, որը կա և կլինի մեր սրտերում, Ձեզ ուրախություն պարգևելն է այն ժամանակ, երբ Դուք զգում եք խնայած գումարի իրական արժեքը` ազատ ներբեռնելով գրքեր, իակ քիչ անց, երբ կարդաք գիրքը, նաև կրկնակի կուրախանանք Ձեր ստացած գիտելիքների համար: Երբ խոսք եղավ գովազդ դնելու մասին, մենք սկսեցին լրջորեն մտածել, քանզի այդ աչքի զարնող գրությունները միայն և միայն այլանդակում են կայքի տեսքը, ինչպես նաև օգտագործում կարևոր տարածքներ: Սակայն մեզ, ինչպես յուրաքանչյուր նախագծի վրա աշխատողների, հարկավոր է այն, ինչ հարկավոր է բոլորին` որոշակի գումար: Այն գովազդները, որ տեղադրված են մեր կայքում, կոչվում են «կոնտեքստային (թեմատիկ) գովազդ», որից եկամուտ գալիս է միայն այն ժամանակ, երբ որևէ մեկը սեղմում է այն, էլ չեմ ասում այն մասին, որ դա այնքան չնչին գումար է... Մեկ սեղմումը մեզ հարստացնում է, պատկերացրեք, 0.02 դոլարով... Այնպես որ, որքան էլ ծիծաղելի լինի, մեկ հպումով Դուք մեզ, հուսով եմ՝ կարող եմ նաև ասել՝ Ձեր ամենանախընտրելի կայքերից մեկին` «ՀամաՀայկական Էլ. Գրադարանին», բերում եք, որոշակի գումար, և այն որքան էլ չնչին լինի, իրենց արժեք է ներկայացնում՝ սկսած այն պահից, երբ մեր բոլոր սիրելի այցելուների մեզ օգնելու ցանկությունը միավորվում է ամսավերջյան արդյունքում:
Մինչ հոդվածին
անդրադառնալը ցանկանում ենք մեր խորին շնորհակալությունը հայտնել Մարգարիտա
Զատիկյանին, ում ջանքերի շնորհիվ գրվեց այս հոդվածը ու տպագրվեց, և ում քայլերի արդյունքում «ՄԻՐ»
հեռուստաընկերությունը պատրաստեց մեր կայքի մասին առաջին Հեռուստառեպորտաժը:
Շնորհակալ ենք բոլոր-բոլորին, ովքեր այսքան ժամանակ մեր կողքին էին և են
ու ջանում էին աջակցել մեզ:
Շատերդ` մեր մշտական այցելուների մեծ մասը, երևի արդեն նկատել եք այն «տարօրինակ» տողը, որը միշտ ընթանում է մեր կայքի ու ՁԵր BROWSER-ի ստորին հատվածով: Meebo bar-ն է դա: Իսկ թե ինչ է այն և ինչ հնարավորություններ է տալիս կարող եք զգալ հենց ինքներդ, իսկ եթե փորձ չունեք, մենք դա կլրացնենք: Նախ կարճ բացատրություն: Փորձելով լինել ամենաինտերակտիվ կայքերից մեկը՝ մենք ավելացնում ենք այդ Meebo bar-ը, որպեսզի մեր այցելուները մեր կայքում լինելու ընթաքում դուրս չմնան իրենց ընկերների հետ շփման գործընթացից: Այսուհետ լինելով մեր կայքում՝ դուք միաժամանակ կարող եք լինել Meebo-ի սոց. ցանցում (այս մեկը քիչ է հայտնի և ներկայացված է միայն այն պարզ պատճառով, որ այս տեխնոլոգիան պատկանում է նրան), AIM -ում, Facebook chat-ում, Google Talk-ում, MySpace IM-ում: Դուք կարող եք շարունակել շփվել, կիսվել մեր կայքում եղած ինֆորմացիայով, լինել ամենուր և միաժամանակ մեկ տեղ, կարճ ասած`լինելով մեր կայքում՝ դուք «ալիքի վրա եք»:
Կարդացեք լրացուցիչ մանրամասնությունները, ինչպես նաև դիտեք տեսանյութն այն մասին, թե ինչպես է հարկավոր օգտագործել այն...
Հաշվի առնելով, որ ներկա պահին Հայաստանում միայն մենք ենք լրջորեն զբաղվում գրքերի թվայնացմամբ այսպիսի մասշտաբներով և ունենք որոշակի փորձառություն, ցանկանում ենք, որ դուք էլ մասնակցություն ունենաք այս գործընթացին: Դուք հստակ քայլեր կսկսեք կատարել հայ գրականության զարգացման ուղում: Գրքերի թվայնացմանը մասնակցելու համար մենք ստեղծելու ենք հնարավոր լավագույն հարմարությունները, որոնց արդյունքում դուք կդառնաք մեր նախագծի լավագույն ու մտերիմ ընկերներից, իսկ հետագայում ինչ իմանաս, թե ինչեր կարող են լինել: Այս կարճ հատվածում տեղեկացնենք, որ բոլոր նրանք, ովքեր ցանկանում են ավելի մանրամասն հասկանել լուսապատճենահանման գորընթացի ձևերը, ինչպես նաև մեզ հետ աշխատելու ընթացակարգը, կարող են սեղմել այստեղ: Այս նյութում մանրամասն նկարագրվում են բոլոր այն քայլերը, որոնք ձեզ կօգնեն հասնելու վերջնական արդյունքի:
Վերջին շրջանում շատ մեծ արձագանք է գտել մեր գործունեությունը և դրա կապակցությամբ կցանկանայինք թողնել մի քանի մեկնաբանություններ: Այսպիսով ինչ ենք արել . մենք խոսք էինք տվել ավելացնել հայերեն գրքերի քանակը , և այն ավելի շատացնել ի հաշիվ լուսապատճենահանվող գրքերի: Երկրոդը . հետադարձ կապի խնդիրն է, որ Հայաստանում շատ ծանր է դրված , քանզի հայերը "ալարում են " գրել մի քանի տող: հարցը երբեք չի եղել մեկնաբանություն թողնելու մեջ : Այլ շատերը պարզապես ցանկանում են մեզ ինչ-որ մի բան հաղորդել , սակայն սկսած այն պահից, երբ նրանք պետք է գրեն իրենց նամակը, միանգամից սկսում է "մուսայի" փախուստը և այլն: Այս պարզ բացը լրացնելու համար մենք բացում ենք /ավելի կոնկրետ կայքի հիմնադիրներից մեկը` Ղազարեան Գևորգը/ իր սեփական Բլոգը http://initiaty.livejournal.com/, որտեղ և դուք արդեն ազատորեն կարող եք քննարկել հենց կայքի հեղինակի հետ այն , ինչ ցանկանում եք:
Մենք ցանկանում ենք, որ Դուք նախապատրաստվեք ներբեռնելու "Ինչ է , Ով է" քառահատոր մանկական սովետական հանրագիտարանը, որը վստահ ենք շատերն են ցանկացել ունենալ, սակայն այդպես էլ դրա հնարավորությունը չեն ուեցել:
Copyright www.freebooks.do.am "ՀամաՀայկական Էլեկտրոնային Գրադարան"© 2008-2010 Արգելվում է առանց կայքի ադմինիստրացիայի թույլատվության կայքի նյութերի օգտագործումը այլ նպատակներով:
Այլ Բաժիններ
